නිවසක දැමූ බෞද්ධ කොඩියක් කුච්චවේලි ප්‍රා.ලේකම් ඇවිත් බලහත්කාරයෙන් ගලවා දමයි

January 10 07:11 2018 Print This Article

.

ත්‍රිකුණාමලය කුච්චවේලි ප්‍රදේශයේ නිවසක් ඉදිරිපිට ඔසවා තැබූ බෞද්ධ කොඩියක්, කුච්චවේලි ප්‍රදේශීය ලේකම්වරයාගේ නියෝගයෙන් ගලවා දැමූ බව කියන සිද්ධියක් සම්බන්ධයෙන් වහාම පරීක්ෂණයක් පවත්වන ලෙස ඉල්ලමින් උතුරු හා නැගෙනහිර සිංහල සංවිධානය ත්‍රිකුණාමල දිසාපතිවරයාට ලිපියක් මගින් දන්වා ඇත.

කුච්චවේලි පොල්වත්ත ප්‍ර දේශයේ නැවත පදිංචියට ආ පවුලක් තම නිවස ඉදිරිපිට ඔසවා තිබූ බෞද්ධ කොඩිය එහි පැමිණි ප්‍රාදේශීය ලේකම්වරයා ඇතුළු පිරිසක් විසින් ජනවාරි 2වැනිදා බලහත්කාරයෙන් ගලවා දමා ඇතැයි ලිපියේ සදහන් වේ.

දිගු කාලයක් අවතැන්ව සිට නැවත සිය උපන් ගමට පැමිණිමට අවකාශය ලැබීමේ ප්‍රීතිය සහ දුරුතු පොහොය නිමිත්තෙන් බෞද්ධයෙකු හැටියට තමන් මෙසේ සිය නිවස ඉදිරිපිට බෞද්ධ කොඩිය එසවීමෙන් පසුව නිල රථයෙන් පැමිණි කුච්චවේලි ප්‍රාදේශීය ලේකම්වරයා ඔහු සමග සිටි පිරිසට කොඩිය ගලවන්නැයි නියෝග කළ බව එම නිවැසියා තමන්ට පැවසූ බව උතුර නැගෙනහිර සිංහල සංවිධානයේ කැදවුම්කරු අනුර බණ්ඩාර මහතා එම ලිපියේ සදහන් කර ඇත.

Print this entry

  Categories:
write a comment

0 Comments

No Comments Yet!

You can be the one to start a conversation.

Add a Comment

Your data will be safe! Your e-mail address will not be published. Also other data will not be shared with third person.
All fields are required.