බැඳුම්කර වෙන්දේසිය ගැන මහ බැංකුවේ කිසිවකු සමග සාකච්ඡා කළේ නෑ – කබීර්-මලික්‌

October 12 07:49 2017 Print This Article

.
මහා මාර්ග සංවර්ධන ව්‍යාපෘතිවලට සම්බන්ධ වූ කොන්ත්‍රාත්කරුවන්ට ගෙවීමට සහ මාර්ග ඉදිකිරීම් කටයුතු ඇන හිටීමකින් තොරව දිගටම කරගෙන යැමට රුපියල් බිලියන 15 ක්‌ පමණ හදිසියේ අවශ්‍ය වී තිබුණා. නමුත් මෙම මුදල සොයාගත යුත්තේ කෙසේද යන්න ගැන හෝ පසුදින පැවැත්වීමට නියමිතව තිබූ බැඳුම්කර වෙන්දේසිය ගැන මහ බැංකුවේ හිටපු අධිපති හෝ නිලධාරීන් සමග කිසිවක්‌ සාකච්ඡා කළේ නැතැයි රජයේ අමාත්‍යවරුන් වන කබීර් හෂීම් හා මලික්‌ සමරවික්‍රම යන මහත්වරු ඊයේ (11 දා) බැඳුම්කර ජනාධිපති කොමිසම හමුවේ සාක්‍ෂි දෙමින් පැවසූහ.

ශ්‍රී ලංකා මහ බැංකු මූලස්‌ථානයේදී 2015.02.27 දින මෙම උදැසන රැස්‌වීම පැවැති අතර ඊට පසු දින ඉමහත් ආන්දොaලනයට තුඩුදුන් භාණ්‌ඩාගාර බැඳුම්කර වෙන්දේසිය පැවැත්වීමට නියමිතව තිබිණි.

එහෙත් මලික්‌ සමරවික්‍රම සහ කබීර් හෂීම් යන අමාත්‍යවරුන් දෙදෙනාම ප්‍රකාශ කළේ අරමුදල් අවශ්‍යතාව ගැන සාකච්ඡා කළ 2015.02.26 දින මහ බැංකුවේ පැවැති රැස්‌වීමේදී ඊටපසු දින (27 දා) පැවැත්වීමට නියමිතව පැවැති භාණ්‌ඩාගාර බැඳුම්කර වෙන්දේසිය ගැන කිසිවක්‌ සාකච්ඡා නොවූ බවයි.

රාජ්‍ය ව්‍යවසාය සංවර්ධන ඇමැති කබීර් හෂීම් සහ සංවර්ධන උපාය මාර්ග සහ ජාත්‍යන්තර වෙළෙඳ ඇමැති මලික්‌ සමරවීර යන මහත්වරුන් ඊයේ සාක්‍ෂි දීමට පැමිණ සිටියේ කොමිසම කළ දැනුම් දීමකට අනුව බව කොමිසමේ සභාපති ශේ්‍රෂ්ඨාධිකරණ විනිසුරු කේ. ටී. චිත්‍රසිරි මහතා එහිදී ප්‍රථමයෙන්ම දැනුම් දුන්නේය.

කොමිසම හමුවේ මෙතෙක්‌ සාක්‍ෂි දුන් සෙසු සාක්‍ෂිකරුවන්ගේ සාක්‍ෂි මෙහෙයවීම කරනු ලැබුවේ නීතිපති දෙපාර්තමේන්තුවට අනුයුක්‌ත නීතිඥ කණ්‌ඩායම හෝ එම සාක්‍ෂිකරුවන් වෙනුවෙන් පෙනී සිටි නීතිඥවරුන් විසිනි. එහෙත් අමාත්‍යවරුන්ගේ සාක්‍ෂි මෙහෙයවනු ලැබුවේ ප්‍රධාන වශයෙන්ම කොමිසමේ සභාපති ශ්‍රේෂ්ඨාධිකරණ විනිසුරු කේ. ටී. චිත්‍රසිරි මහතා විසිනි.

අමාත්‍යවරුන් දෙදෙනාගේම සාක්‍ෂියට විනාඩි 10 ක්‌වත් ගතනොවුණි. ඒ කෙටි කාල සීමාව තුළ ඔවුන් කළේ සභාපති විනිසුරු ඇසූ ප්‍රශ්න කීපයකට පිළිතුරු දීමය. ඒ අතර කොමිසමේ සාමාජික ශේ්‍රෂ්ඨාධිකරණ විනිසුරු ප්‍රසන්න ජයවර්ධන මහතාද ප්‍රශ්න කීපයක්‌ ඇසුවේය.

පර්පෙචුවල් ට්‍රෙෂරීස්‌ සමාගම හෝ එහි අධ්‍යක්‍ෂවරු වන අර්ජුන් ඇලෝසියස්‌ ඔවුන්ගේ සමූහ ව්‍යාපාරය ඊට සම්බන්ධ සමාගමක්‌, ජෙප්රි ඇලෝසියස්‌ හෝ ඔහුගේ පවුලේ සමීප සාමාජිකයන් එක්‌සත් ජාතික පක්‍ෂයේ අරමුදලට යම් ගෙවීමක්‌ කළේදැයි කොමිසමේ සභාපති චිත්‍රසිරි මහතා ඇසූ ප්‍රශ්නයකට පිළිතුරු දෙමින් අමාත්‍යවරුන් දෙදෙනාම කියා සිටියේ තමන් දැනුවත්ව ඔවුන් කිසිදු ගෙවීමක්‌ පක්‍ෂයේ අරමුදලට නොකළ බවයි.

Print this entry

  Categories:
write a comment

0 Comments

No Comments Yet!

You can be the one to start a conversation.

Add a Comment

Your data will be safe! Your e-mail address will not be published. Also other data will not be shared with third person.
All fields are required.